Azərbaycan Milli Məclisinin deputatı Tənzilə Rüstəmxanlı Türkiyəyə səfəri çərçivəsində Ankara şəhərində Ədalət və İnkişaf Partiyasının (AK Parti) sədr müavini, Türk Dövlətləri ilə Əlaqələr Baş İdarəsinin rəhbəri Kürşad Zorlu və Türk Dünyası Gənclər Şurasının başqanı Ramazan İzol ilə görüşüb.
Elchi.az xəbər verir ki, görüşdə türk dünyası ilə əlaqələrin daha da intensivləşdirilməsi istiqamətində atılacaq addımlar müzakirə olunub və bunun təxirəsalınmaz zərurət olduğu vurğulanıb.
Həmçinin qarşılıqlı əlaqələr, qarşıda duran fəaliyyət istiqamətləri, eləcə də iki qardaş ölkənin QHT-ləri arasında mədəni və sosial münasibətlərin genişləndirilməsi üçün tövsiyə xarakterli bir sıra təkliflər səsləndirilib və müxtəlif məsələlər ətrafında fikir mübadiləsi aparılıb.
