Böyük Britaniyanın baş naziri Rişi Sunak London meri Sadık Xan haqqında müsəlmanlara qarşı (islamofob) açıqlamalar verən hakim partiyadan olan millət vəkili Li Anderson haqqında “Onun açıqlamaları qəbuledilməz və yanlış idi” qiymətləndirməsini edib.
Elchi.az xəbər verir ki, Sunak BBC Radio York-a verdiyi açıqlamada ölkədə dini və etnik ayrı-seçkilik nəticəsində yaranan son gərginliyin heç kimin istəmədiyi səviyyədə olduğunu bildirib.
Buna görə də hər kəsin prioritetinin gərginliyi azaltmaq olduğunu qeyd edən Sunak, “Hər kəsin görmək istədiyi budur. Ona görə də sözlər çox vacibdir. (Andersonun) açıqlamaları qəbuledilməz və yanlış idi. Ona görə də onun partiya üzvlüyünü dayandırdıq” deyib.
Andersonun açıqlamalarının hakim Mühafizəkarlar Partiyasının seçki kampaniyasına təsiri ilə bağlı suala Sunak deyib: “Problem bu deyil. Belə vəziyyətlərdə standartları qoruyub saxlamalıyıq”. dedi.
Anderson fevralın 24-də verdiyi müsahibədə London meri Xan haqqında “İslamçıların ölkəmizi ələ keçirdiklərini düşünmürəm, amma düşünürəm ki, Xan və Londonu nəzarətə götürdülər. (Xan) paytaxtımızı dostlarına verdi” ifadələrini istifadə edib.
Xan qeyd edib ki, onun “irqçilik və islamofobiya” hesab etdiyi bu açıqlamalar artan anti-müsəlman əhval-ruhiyyəsinə (İslamofobiya) yanacaq tökür.
Baş nazir Sunakı mövzu ilə bağlı açıqlama vermədiyi üçün tənqid edən Xan, “Sunakın və kabinetin qulaqbatırıcı səssizliyi bu irqçiliyə göz yumur” ifadəsini işlədib.
“Onlar bu cür irqçilikdə ortaq görünürlər” dedi Xan. Bu vəziyyətin müsəlmanlara qarşı ritorikanın asanlıqla istifadə oluna biləcəyi və nifrət cinayətlərinin asanlıqla işlənə biləcəyi mesajını verdiyini ifadə edib.
Ana müxalifətdəki Leyboristlər Partiyasının lideri Keir Starmer də dünən The Observer üçün yazdığı məqalədə Sunakın Mühafizəkarlar Partiyasını ekstremistlər üçün “təhlükəsiz sığınacaq”a çevirdiyini qeyd edib.
Bu reaksiyalara baxmayaraq, Sunak dünən ölkədə antisemitizmin artdığına işarə edən bir açıqlama verib.
Şayəstə Hüseynova
Son şərhlər