ABŞ və İsrail İrana qarşı əməliyyata öz istəkləri ilə başlayıblar, hərbi əməliyyatlara ehtiyac yox idi.
Elchi.az xəbər verir ki, bu barədə Finlandiya Prezidenti Aleksander Stubb “EUObserver” portalına verdiyi müsahibədə bildirib.
“Düşünürəm ki, bu müharibəyə ehtiyac yox idi. O, Amerika Birləşmiş Ştatları və İsrailin iradəsi ilə başladı, Avropa ilə heç kim əvvəlcədən məsləhətləşmədi”, — deyə o bəyan edib.
Siyasətçi əlavə edib ki, indi Finlandiya “kömək etməyə çalışır”. Ölkə Fransa və Böyük Britaniyanın təşəbbüsü ilə yaradılmış və təxminən 50 ölkəni birləşdirən Hörmüz boğazında təhlükəsizliyin təmin edilməsi koalisiyasına qoşulub.
“Müharibə bitən kimi əminəm ki, amerikalılara Hörmüz boğazında gəmiçilik azadlığını təmin etmək üçün əlimizdən gələn hər şeyi edəcəyik”, — deyə Stubb qeyd edib.
Məryəm
