Birləşmiş Millətlər Təşkilatının (BMT) hava agentliyi son 11 ilin, 2015-2025-ci illər arasında, qeydlərin aparılmağa başladığı dövrdən bəri ən isti illər olduğunu açıqladı.
Elchi.az xəbər verir ki, Ümumdünya Meteorologiya Təşkilatı (ÜMT) tərəfindən dərc edilən Qlobal İqlim Statusu hesabatında 2025-ci ilin ümumilikdə ikinci və ya üçüncü yerdə olduğu bildirilir.
Hesabatda 1850-ci ildən bəri saxlanılan qeydlərə görə, son on bir ilin tarixdə ən isti dövr olduğu təsdiqlənib.
Qeyd edilib ki, 2025-ci ildə qlobal temperatur artımı sənaye öncəsi orta göstəricini təxminən 1,43 dərəcə üstələyib. Bu məlumatlar ÜMT-nin əvvəlki proqnozlarını təsdiqləyib.
Rekord səviyyədə buzlaq kütləsi itkisi
Hesabatda əhəmiyyətli bölgələrdə buzlaq kütləsi itkisinin tarixdə ən böyük beş itki arasında olduğu vurğulanıb. Bildirilib ki, buzlaqlarda, xüsusən də İslandiya və Şimali Amerikada fövqəladə ərimə baş verib.
BMT-nin Baş katibi Antonio Quterreş mövzu ilə bağlı açıqlamasında qlobal iqlim vəziyyətinin “fövqəladə vəziyyət” təşkil etdiyini bildirib. Quterreş bildirib ki, planet öz hüdudlarından kənara çıxarılır və bütün əsas iqlim göstəriciləri qırmızı həyəcan siqnalı verir.
Şayəstə
