Elchi.az xəbər verir ki, ABŞ-ın Minuteman III adlı qitələrarası ballistik raket sınağını tənqid edən Şimali Koreya, ‘ehtiyatsız’ təxribatlara ‘tez, böyük və qətiyyətlə’ cavab verəcəyini açıqladı.
Şimali Koreya ABŞ-ın Minuteman III adlı qitələrarası ballistik raket sınağına reaksiya verib. Şimali Koreyadan edilən açıqlamada sınağın uğursuz olduğu xatırladılıb və “Buna baxmayaraq ABŞ-ın genişləndirilmiş çəkindirmə öhdəliyinin bir hissəsi olan və 7 ildən sonra Cənubi Koreyalı kukla hərbi qanqsterlərin iştirakı ilə həyata keçirilən sınaq, ABŞ-ın nüvə və strateji silahlarının hədəfinin kim olduğunu açıq şəkildə göstərir”. Dünyadakı hərbi qarşıdurmaların fonunda ABŞ-ın nüvə silahı yığımının artdığı iddia edilən açıqlamada, “Bu, nüvə silahından faktiki istifadə etməklə hərbi üstünlük əldə etməyi hədəfləyən təhlükəli plandan başqa bir şəkildə şərh edilə bilməz” dedi.
ABŞ və Cənubi Koreyanı günahlandırın Bəyanatda ABŞ və Cənubi Koreyanın Pxenyana qarşı atdığı hərbi addımlar “Koreya yarımadasında hərbi gərginliyi birtərəfli qaydada artıran son dərəcə təxribatçı, ehtiyatsız və düşməncəsinə hərəkətlər” olaraq xarakterizə edilib.
Bəyanatda Şimali Koreya ordusunun ölkənin suverenliyinə, təhlükəsizliyinə və maraqlarına qarşı istənilən düşmən təhdidinə qarşı durmağa hazır olduğu və Pxenyanın nüvə silahlarına qarşı hərbi əks-reaksiya mövqeyinin dəyişməyəcəyi qeyd edilib.
Açıqlamada, nüvə silahı qüvvələrini daim gücləndirməyin Şimali Koreyanın özünü müdafiə haqqı olduğu ifadə edilərək, “Şimali Koreya ordusu öz milli suverenliyini, ərazi bütövlüyünü və xalqının maraqlarını müdafiə etməkdə qərarlıdır”.
Şayəstə Hüseynova
Son şərhlər