Sayt rəhbəri icra başçısını məhkəmədə uddu

Qeyd edək ki, Poliqon» İnformasiya Agentliyninin (pia.az) baş redaktoru Azər Qaramanılı Bakı Apellyasiya Məhkəməsinin 01 may 2014-cü il tarixli qərarının ləğv olunması ilə bağlı Ali Məhkəməyə müraciət etmişdi. Bakı Appellyasiya Məhkəməsinin hakimi Xuraman Məhərrəmova qanunları çeynəyərək Sabunçu rayon Komunal Təsərüfat Birliyinin  sədri Əhməd Orucovun və Sabunçu qəsəbə nümayəndəsi Məhərrəm Mehrəliyevin məhkəməyə təqdim etdikləri saxta sənəd əsasında qərar vermişdi. Qərarda göstərilirdi ki, güya «Poliqon» İnformasiya Agentliyinin (pia.az) baş redaktoru Azər Qaramanlı Sabunçu qəsəbəsində yaşayır və buna görə də Sabunçu rayon Komunal Təsərüfat İdarəsinin müdiri Əhməd Orucovun iddasına Sabunçu məhkəməsində baxılmalıdır.

Bununla bağlı PİA.AZ-ın baş redaktoru Azər Qaramanlı bildirib ki, Ali Məhkəmənin Bakı Appellyasiya Məhkəməsinin qərarını ləğv edəcəyi şübhə doğurmurdu:

«Çünki Bakı Appellyasiya Məhkəməsinin hakimi Xuraman Məhərrəmova bilərəkdən qanunu çeynəyərək belə bir qərar vermişdi və bu qərar hüquq normativlərinə tamamilə ziddi. İşin ilginc tərəfi isə odur ki, faktiki olaraq Komunal Təsərüfat  Birliyinin sədri Əhməd Orucov vəzifə salahiyyətlərindən sui-istifadə edərək tabeliyində olan Sabunçu qəsəbə nümayəndəsi Məhərrəm Mehrəliyevin məhkəməyə saxta sənəd təqdim etməsinə məcbur edib. Bu isə qanunvericiliklə cinayət hesab olunur. Elə bu üzdəndə biz həm Komunal Təsərüfat Birliyinin sədri Əhməd Orucov və həm də Sabunçu qəsəbə nümayəndəsi Məhərrəm Mehrəliyevin əməlinin cinayət tərkibinin araşdırılması barədə Baş Prokururluğa ərizə ilə müraciət edəcəyik.

Onu da bildirim ki, mən Əhməd Orucovun PİA.AZ-a qarşı iddasını Sabunçu icra hakimiyyətinin başçısı Adil Vəliyevin sifarişi hesab edirəm. Çünki məhkəmə predmetinə çevrilən yazıda Əhməd Orucovun adı belə keçmir. Ancaq bir abzasda icra başçısı Adil Vəliyevin Komunal Təsərüfat Birliyi vasitəsi ilə dövlət büdcəsindən pul sildiyi bildirilir. Əgər Sabunçu rayon İcra hakimiyyəti şəffaflıq nümayiş etdirib Komunal Təsərüfat  Birliyinin  xərclədiyi vəsaitləri açıqlarsa, o zaman bizim haqqlı olduğumuz ortaya çıxar. Bu tender alqı-satqısında da özünü göstərməkdir. Çox təəssüf ki, bir sıra məmurlar dövlət büdcəsindən qanunsuz yolla əldə etdikləri vəsaitləri və korrupsiya fəaliyyətlərini gizlətmək yolu ilə mətbuata məhkəmə və başqa yollarla təzyiqlər edirlər. Yaxşı olardı ki, bu məmurlar korrupsiya faktlarını ortadan qaldırmaq üçün çalışsınlar. Sabunçu İcra Hakimiyyətinin və şəxsən icra başçısı Adil Vəliyevin fəaliyyətindəki korrupsiya faktları ilə bağlı son zamanlar mətbuatda qalmaqallı faktlar dərc olunub. Elə Adil Vəliyevin yaxın dostu, biznes şəriki, Sabunçu İcra Hakimiyyətinin başçısının birinci müavini Şakir Alıyevin vəzifədən alınması ilə bağlı qalmaqalı buna misal göstərmək olar.

Ölkə prezidenti dəfələrlə bildirib ki, korrupsyiaya qarşı mübarizə ümummilli məsələdir. Bu məsələyə prezidentin çıxışlarında da dəfələrlə toxunulub. Ona görə də hesab edirəm ki, şəffaf cəmiyyətin yaradılması və korrupsiyaya qarşı mətbuatın apardığı mübarizə təqdir olunmalıdır».

pia.az