Avropa İttifaqı (Aİ) artıq Rusiyaya qarşı 13 və 14-cü sanksiyalar paketini hazırlayır.
Elchi.az İz.ru-ya istinadən xəbər verir ki, bu barədə Avropa Parlamentinin Çexiyadan olan üzvü Tomaş Zdexovski məlumat verib.
Siyasətçinin sözlərinə görə, yeni vəsaitlərin hazırlanması çox vaxt aparmayacaq. “Onlar tezliklə üzv dövlətlərə təqdim olunacaq”, -deyə Zdexovski qeyd edib.
Avropa Parlamentinin Estoniyadan olan üzvü Jana Toom əlavə edib ki, yeni sanksiyaların qəbulu təşəbbüsü əsasən Baltikyanı ölkələrdir. “Ancaq sanksiyalar sonsuz deyil. Hardasa sərhəd var, görünür, tezliklə olacaq”, – deyə Toom “İzvestiya” qəzetinə (İz.ru) bildirib.
Xatırladaq ki, bundan əvvəl, Aİ Ukraynadakı hərbi əməliyyatlara görə, Rusiyaya qarşı 12-ci sanksiyalar paketini təsdiqləyib. 61 nəfərə, o cümlədən 86 şirkət və təşkilata qarşı yeni sanksiyalar tətbiq edilib.
Yeganə