“Qırğızıstana dövlət səfərinə gedən İlham Əliyevi hava limanında prezident Sadır Caparov şəxsən özü qarşılayıb. Bu görüntü öz-özlüyündə səfərin əhəmiyyətini və hər iki ölkənin qarşılıqlı əməkdaşlıq əlaqələrini yeni mərhələyə çatdırmaqla bağlı qərarlılığını göstərir”.
Elchi.az xəbər verir ki, bu fikirləri politoloq Turab Rzayev FB hesabında qeyd edib:
“İlham Əliyevin Qırğızıstan səfəri öncəsi Sovet dövründən qalan sərhəd problemlərinin həll edilməsi yolunda Özbəkistan və Qırğızıstanın razılığa gəlməsini də həftənin ən müsbət xəbəri saymaq olar. Düşünürəm ki, bu razılaşmanın əldə edilməsində vasitəçi kimi Türkiyə və Azərbaycan da xüsusi xidmətləri olmuşdur.
KTMT çərçivəsində Ukrayna müharibəsinə qoşulmaqdan imtina edən Qırğızıstanın Azərbaycan ilə hərbi sahədə əməkdaşlıq müqaviləsi imzalaması gözlənilir. Daha əvvəl də analoji addımı Özbəkistan atmışdı. Bunun üzərinə də Türkiyə ilə olan hərbi əməkdaşlıq müqaviləsini gəldikdə regionun yeni siyasi mənzərəsi bəlli olur.
Türk Dövlətləri Birliyi möhkəmlənir, Türkiyə -Azərbaycan tandeminə, Türkmənistan, Özbəkistan və Qırğızıstanın da qoşulması ilə Yeni Mərkəzi Kommunikasiya yolunun nəzarəti TDT-nin ona keçir. Qırğızıstan qoşulana qədər alternativ yolun Qazaxıstan və ya Pakistan üzərindən Çinə qoşulması güman edilirdi”.
Şayəstə
Son şərhlər