Rusiya Federasiyası Türkiyə və Qətərlə birlikdə bir ay əvvəl başa çatan taxıl müqaviləsini əvəz etmək üçün yeni saziş hazırlayır.
Elchi.az Mk.ru-ya istinadən xəbər verir ki, bu barədə Almaniyanın “Bild” nəşri məlumat yayıb.
Agentlik iyulun 21-dən avqustun 8-dək Xarici İşlər Nazirliyi ilə Rusiya Federasiyası və Türkiyə səfirlikləri arasında onların ixtiyarında olan rəsmi yazışmaları təqdim edib. Məktubda deyilir ki, Moskva taxıl müqaviləsindən çıxacağı ilə bağlı Ankaraya əvvəlcədən xəbərdarlıq edib. Bununla bağlı Rusiya Federasiyası, Türkiyə və Qətər köhnəni əvəz edəcək yeni üçtərəfli saziş hazırlamağa başlayıb.
Bildirilir ki, yeni təklif olunan sənədə əsasən, Rusiya taxılının yoxsul ölkələrə, xüsusilə Afrikaya tədarük edilməsi planlaşdırılır. Öz növbəsində Türkiyə bu işdə təşkilatçı, Qətər isə təchizat sponsoru kimi çıxış edəcək.
Almaniya nəşrinin qeyd etdiyi kimi, Türkiyənin xarici işlər naziri Hakan Fidan ehtimal olunan razılaşmaya baxmayaraq, Moskvadan taxıl müqaviləsinə qayıtmağı xahiş edir.
Yeganə