İstanbul Valisi Vasip Şahin və İstanbulun polis rəisi Mustafa Çalışkan “Reina” gecə klubuna hücum edən terrorçu ilə bağlı mətbuata açıqlama verib.

Türkiyə mətbuatının verdiyi məlumata görə, vali bildirib ki, 1983 təvəllüdlü Abdülqədir Maşaripov Əfqanıstanda təhsil alıb.

Valinin sözlərinə görə, 4 dil bilən terrorçu Türkiyəyə 2016-ci ilin yanvar ayında gəlib: “Onun axtarışı üçün 7200 saat kameralar araşdırılıb, 2 min polis işləyib. Konya, Hatay və İzmirdəki kəşfiyyat orqanları ilə birlikdə ortaq əməliyyat həyata keçirilib”.

Vasip Şahin bildirib ki, terrorçu Başakşəhərdə ev kirayələyibmiş: “Daha sonra iki ev dəyişdirərək gizlənməyə nail olub. Polis bu dövrdə 152 ünvana baxış keçirib, 50 nəfər həbs edilib. Terrorçu günahını etiraf edib və onun barmaq izləri üst-üstə düşüb”.

Vali qeyd edib ki, bu müddətdə onlara 2 min 200-ə yaxın zəng daxil olub.

Qeyd edək ki, yeni il gedəci “Reina” gecə klubuna hücum zamanı 39 nəfəri ölüb, 69 nəfəri yaralanıb.