Rusiyanın ilhaq etdiyi Zaporojya vilayətində cəbhə xəttinə yaxın 18 yaşayış məntəqəsindən əhalinin təxliyyə ediləcəyi açıqlanıb.
Elchi.az xəbər verir ki,Rusiya administrasiyasının qondarma Zaporojye vilayətinin qubernatoru Yevgeni Balitskiy yazılı açıqlamasında Ukrayna ordusunun son vaxtlar bölgəyə qarşı artilleriya hücumlarını artırdığını bildirib.
Bu səbəbdən cəbhə xəttinə yaxın olan 18 yaşayış məntəqəsi sakinlərinin təxliyyə ediləcəyini qeyd edən Balitskiy ilk növbədə uşaqların və onların ailələrinin, qocaların, əlillərin və səhhətində problem olan şəxslərin təxliyə olunacağı barədə məlumat paylaşıb.
“Mən vurğulayıram ki, bu, cəbhə bölgələrində yaşayanların təhlükəsizliyini təmin etmək üçün zəruri tədbirdir. Kiyevdəki cinayətkarlar mülki infrastrukturu hədəfə alırlar, biz onların döyüş üsullarını nəzərə alırıq və müvafiq qərarlar qəbul edirik”, – Balitskiy bildirib.
Nuranə Məmmədova