Qazaxıstanın şimalında, Rusiya sərhədinə yaxın Petropavl şəhərində “Müstəqillik elan edən Fəhlə Xalq Şurası”nın 3 üzvü “separatçılıq” ittihamı ilə saxlanıldığı bildirilib.
Elchi.az xəbər verir ki,Şimali Qazaxıstan əyaləti Prokurorluğunun açıqlamasında daha əvvəl sosial mediada “İşçi Xalq Şurası”nın yaradılması ilə bağlı görüntülərin dərcindən sonra başladılan istintaq çərçivəsində Petropavlda 3 nəfərin saxlanıldığı qeyd edilib.
“İstintaq zamanı müəyyən edilib ki, 2023-cü il martın 19-da universitetin binasında özlərini Sovet İttifaqının varisləri kimi təqdim edən 20 nəfərdən ibarət “Fəhlə Xalq Şurası” qrupunun üzvlərinin Qazaxıstanın Petropavl şəhərində toplantısı keçirilib.
Açıqlamada, “şura üzvlərinin” ölkənin konstitusiya quruluşu və ərazi bütövlüyünə toxunaraq, Qazaxıstanın legitimliyini tanımadıqlarını və müstəqilliyini rədd etdiklərini bildirən bir bəyannamə qəbul etdikləri ifadə edilən bəyanatda, “Separatçılığın əlamətləri aparılan araşdırmalardan sonra müəyyən edilib” ifadəsindən istifadə edilmişdir.
3 şübhəli barəsində separatçılıq və dövlətin təhlükəsizliyinə xələl gətirən təbliğat aparma maddələri ilə iddia qaldırıldığı və bu maddələrə uyğun olaraq 10 ilədək həbsin təkzibolunmaz cəza tədbiri ola biləcəyi bildirilib.
Açıqlamada hazırda saxlanılan 3 nəfərin istintaq təcridxanasına yerləşdirildiyi, digər görüş iştirakçılarına da obyektiv və hərtərəfli hüquqi qiymət veriləcəyi bildirilib.
Nuranə Məmmədova
Son şərhlər