İşğaldan azad edilən rayonlarda fındıq plantasiyaları yaradıla bilər. Bunu “APA-Economics”ə “Aqrarco” MMC-nin baş icraçı direktoru Cavid Kazımov deyib.
Onun sözlərinə görə, bununla bağlı aidiyyəti qurumlara müraciət göndərilib və məsələyə baxılır.
“İşğaldan azad edilən rayonların torpağı əlverişlidir və aldığımız rəylər kifayət qədər müsbətdir. Təbii ki, su ilə bağlı müəyyən məsələlər var. Bildiyiniz kimi, fındıq əsasən dağətəyi ərazilərdə bitir. Yəni ən yaxşı məhsulu dəniz səviyyəsindən 200 metr yüksəklikdə əldə etmək olar. Misal üçün Qarabağın dağətəyi rayonlarında, Zəngilanda, Kəlbəcərdə və s. Burada kifayət qədər ciddi məhsul əldə etmək üçün lazımı şərait var. Biz bu məsələ ilə bağlı aidiyyatı qurumlara müraciət etmişik və onların cavablarını gözləyirik”, – deyə Cavid Kazımov qeyd edib.
Avtomobil yollarında daha 3 elektron tərəzi quraşdırılıb
Yol infrastrukturunun qorunması, yolların istismar müddətinin uzadılması, hərəkətin təhlükəsizliyinin təmin edilməsi məqsədilə ümumi istifadədə olan avtomobil yollarında yeni texnologiyaya əsaslanan...
Son şərhlər