Türk Qızıl Aypara Cəmiyyətinin 2 min 737 ton humanitar yardım materialı daşıyan 7-ci Xeyirxahlıq Gəmisi Ramazan ayı öncəsi Misirə çatıb.
Elchi.az bu barədə Türkiyə mediasına istinadən xəbər verir.
Türk Qızıl Aypara Cəmiyyətindən verilən açıqlamaya görə, oktyabr ayından bəri müharibədən əziyyət çəkən Qəzza xalqına yardım işlərini davam etdirən Türk Qızıl Aypara tərəfindən bu günə qədər göndərilən yardım gəmilərinin ən böyüyü olan 7-ci Xeyirxahlıq Gəmisi 7, Misirin Əl-Ariş limanına gəlib.
Türk Qızıl Aypara Başçısı Fatma Meriç Yılmaz və bölgədəki Qızıl Aypara qrupu tərəfindən qarşılanan yardım gəmisindəki təcili yardım ləvazimatları ən qısa zamanda Qəzza xalqına çatdırılmaq üçün yük maşınlarına yüklənir.
Ramazan ayı öncəsi bölgəyə çatan Xeyirxahlıq gəmisində materialların daşınması üçün materialların yük maşınlarına yüklənməsi işlərinə dərhal başlanılıb.
Türk Qızıl Ayparasının ölkədəki mütəxəssis heyətinin rəhbərliyi ilə yüklənən yük maşınları Rəfah Sərhəd Qapısından keçərək Qəzzaya daxil olacaq.
Gəmidə hazır yemək, su, qida paketləri, un, geyim, gigiyena, çadır, yataq kisəsi, ədyal, tibbi avadanlıq və uşaq ləvazimatları kimi sığınacaq materiallarından ibarət 2737 ton yük var.
Yardım maşınlarının bölgəyə sürətlə çatması üçün çalışan Türk Qızıl Aypara, Misir Qızıl Aypara və Fələstin Qızıl Aypara Cəmiyyəti ilə koordinasiyalı şəkildə hərəkət edir.
Qəzza daxilində qida paketləri paylamaqla yanaşı, Türk Qızıl Aypara Qəzzanın Rəfah bölgəsində şorbaxana işlətməklə gündə 5 min insana isti yemək verməyə davam edir. Bu gündən etibarən yeməklər iftar və sahur kimi paylanılacaq.
Nuranə Məmmədova