Fələstinin HƏMAS hərəkatı və onun müttəfiqi radikal İslami Cihad təşkilatı Qəzza zolağında daha bir israilli girovun qalıqlarını Beynəlxalq Qızıl Xaç Komitəsinə (BQXK) təhvil verəcək.
Elchi.az xəbər verir ki, bu barədə HƏMAS-ın hərbi qanadı olan İzzəddin əl-Qəssam Briqadaları Telegram kanalında müvafiq bəyanat yayıb.
“İsrailli girovların fələstinli məhbuslarla dəyişdirilməsinə dair razılaşmanın bir hissəsi olaraq İzzəddin əl-Qəssam Briqadaları və Saraya əl-Qüds (İslami Cihadın hərbi qanadı olan Qüds Şirkətləri) girovun cəsədini bu gün, çərşənbə günü yerli vaxtla saat 17:00-da azad edəcəklər”, – bəyanatda deyilir. Radikallar bildirirlər ki, qalıqlar şimal anklavda aşkar edilib.
Məryəm
