İsrailin 5 aya yaxındır hücumlarını davam etdirərək, yardımların ölkəyə gəlməsinə mane olaraq böyük “humanitar fəlakət” törətdiyi Qəzza zolağında daha bir uşaq aclıqdan ölüb.
Elchi.az xəbər verir ki, Fələstin Səhiyyə Nazirliyinin Qəzza üzrə sözçüsü Əşrəf əl-Qudra verdiyi yazılı açıqlamada Qəzza şəhərindəki Şifa xəstəxanasında 15 yaşlı qızın qida çatışmazlığından dünyasını dəyişdiyini bildirib.
İsrailin humanitar yardımın qarşısını aldığı Qəzza zolağında qida çatışmazlığından ölənlərin sayının 18-ə yüksəldiyini bildirən Kudra, Qəzzanın şimalında baş verən aclıq fəlakətinin xüsusilə xroniki xəstələr, uşaqlar və hamilə qadınlar üçün ölümcül səviyyəyə çatdığını qeyd edib.
İsrailin şimal bölgələrində aclığını doyurmaq istəyən insanlara qarşı dəhşətli qırğınlar törətdiyinə diqqət çəkən Kudra, “Aclıq getdikcə dərinləşir və humanitar yardımların daxil olmasına imkan verən hücumlar dayandırılmazsa, minlərlə vətəndaşın həyatını alacaq. ” deyib.
İsrailin hücumlarını dayandırmaq üçün beynəlxalq ictimaiyyətin təzyiq göstərməsini tələb edən Kudra, Qəzza zolağının şimalında baş verə biləcək humanitar fəlakətin qarşısını almaq üçün Birləşmiş Millətlər Təşkilatının (BMT) təcili addımlar atması lazım olduğunu vurğulayıb.
Şayəstə Hüseynova