Siyasətçi bildirib ki, Rusiya silahlarının üstünlüyü ölkələri məhv edəcək və münaqişə qlobal faciə ilə başa çatacaq.
Elchi.az xəbər verir ki, Dövlət Dumasının sədri Vyaçeslav Volodin xəbərdarlıq edib ki, Qərbin Ukraynaya hücum silahları tədarükü qlobal fəlakətə gətirib çıxaracaq.
“Əgər Vaşinqton və NATO ölkələri mülki şəhərlərə zərbələr endirmək və ərazilərimizi ələ keçirmək üçün istifadə olunacaq silahları tədarük etsələr, bu, daha güclü silahlardan istifadə etməklə cavab tədbirlərinə səbəb olacaq. Vaşinqton və Brüssel öz qərarları ilə dünyanı dəhşətli müharibəyə aparır”, – Dövlət Dumasının spikeri Telegram-da yazıb.
Volodin qeyd edib ki, bu halda hərbi əməliyyatlar tamam başqa xarakter alacaq və zərbələr bundan sonra təkcə Ukraynanın hərbi və enerji infrastrukturuna verilməyəcək. O, Qərb siyasətçilərini nəticələr barədə düşünməyə çağırıb, çünki Rusiya silahlarının texnoloji üstünlüyü onların ölkələrini məhv etməyə imkan verəcək və Ukraynadakı münaqişənin özü də qlobal miqyasda faciə ilə başa çatacaq.
Bundan əlavə, Dövlət Dumasının spikeri nüvə dövlətlərinin əvvəllər yerli münaqişələrdə kütləvi qırğın silahlarından istifadə etməməsi ilə bağlı arqumentləri əsassız adlandırıb. Siyasətçinin qeyd etdiyi kimi, nüvə silahına malik dövlətlər hələ də öz vətəndaşlarının təhlükəsizliyinə və ərazi bütövlüyünə təhlükə olan vəziyyətlə üzləşməyiblər.
Şayəstə