NATO-nun Avropadakı qoşunlarının komandanı, amerikalı general Filip Bridlav bəyan edib ki, Rusiya Ukraynada hərbi əməliyyatları davam etdirəmək üçün effektiv silah təchizatı sistemi yaradır.
Virtualaz.org saytı xəbər verir ki, general Brüsseldə jurnalistlərə açıqlamasında Rusiyanın Şərqi Ukrayna üzərində nəzarətini möhkəmləndirməyə yönələn yeni addımları proqnozlaşdırdığını deyib.
Onun sözlərinə görə, Ukraynanın şərqində əvvəlki kimi “yaxşı təlim görmüş və istənilən missiyanı yerinə yetirməyə hazır olan” Rusiya qüvvələrini görür.
F.Bridlav qeyd edib ki, prezident Putinin regiondakı səyləri zəifləməyib: “Mən hesab etmirəm ki, Putin Ukraynanın şərqində hələ hər şeyi tamamlayıb. Moskva əvvəlki kimi bu münaqişədə tərəflərə fəal təsir edir”.
General deyib ki, Ukrayna sərhədlərinin şərq istiqamətləridən silah daşınması davam edir. Habelə mühüm ehtiyatların, döyüş sursatlarının anbarlara yığılması müşahidə olunur. Bütün bunlar Rusiyaya Ukraynanın şərqində hərbi əməliyyatları daha incə şəkildə aparmağa imkan yaradır.
Son şərhlər