“Almaniyanın cavabı bizi təəccübləndirir. Almaniya hökuməti heç vaxt verilməyən suala cavab verə bilməz. Heç bir danışıqlar, barışdırıcı müzakirələr olmadı”.
Elchi.az News.am-a istinadən bildirir ki, bunu Polşa xarici işlər nazirinin müavini Arkadiuş Mularçik Almaniyanın İkinci Dünya Müharibəsi üçün Polşaya təzminat ödəməkdən dəfələrlə imtina etməsi ilə bağlı deyib.
“Biz Almaniyanın mövqeyini qəbul etmirik. Biz bunu tamamilə əsassız və yanlış olaraq rədd edirik. Biz Almaniya xalqını və beynəlxalq ictimaiyyəti mövqeyini dəyişməyə çağıraraq beynəlxalq arenada fəaliyyətimizi davam etdirəcəyik”, – deyə Mularçik bildirib.
Berlinin belə geniş hiddətə səbəb olan bəyanatı qısa və aydındır. ADR-in məlumatına görə, İkinci Dünya Müharibəsi zamanı təzminat və zərərin ödənilməsi məsələsi bağlanıb və Almaniya bu məsələ ilə bağlı danışıqlar aparmaq niyyətində deyil.
Polşa Xarici İşlər Nazirliyinin cavabında deyilir:
“Polşa hökuməti Almaniyanın 1939-1945-ci illərdə Polşaya təcavüzü və işğalı nəticəsində yaranan borc probleminin həlli istiqamətində səylərini davam etdirəcək”.
Çətin ki, 2015-ci ildən Polşada hökmranlıq edən “Birləşmiş Sağ” bloku ilə əlaqəli olan kimsə Almaniyanın qərarının fərqli olacağını düşünsün. Almaniyanın xarici işlər naziri Analena Berbok oktyabrın 4-də Polşa hökumətinin Berlinə diplomatik nota göndərməsindən sonra artıq bu barədə dəqiq açıqlama vermişdi.
Yeganə
Son şərhlər