ABŞ şəhərlərinin küçələrində yerləşdirilən Amerika hərbçilərinin sayı iyul ayından bu yana 75% artaraq 35 minə çatıb. Onlar ölkə daxilində immiqrasiya əleyhinə proqramlarda iştirak edirlər.
Elchi.az xəbər verir ki, bu barədə sentyabrın 18-də Pentaqondan yerləşdirilən qoşunlar haqqında məlumat alan “The Intercept” məlumat yayıb.
ABŞ prezidenti Donald Trampın qərarından sonra Ordu, Hərbi Dəniz Qüvvələri, Hərbi Hava Qüvvələri, Dəniz Piyadaları Korpusu və Milli Qvardiyanın qoşunları ən azı beş ştatda – Arizona, Kaliforniya, Nyu Meksiko, Texas və Floridada bir neçə şəhərə yerləşdirilib. Bununla belə, portal yerləşdirilən qoşunların faktiki sayının əhəmiyyətli dərəcədə çox ola biləcəyini vurğulayır.
Şimali Amerikada hərbi əməliyyatlara nəzarət edən ABŞ Şimal Komandanlığı “The Intercept”-in sualına cavab olaraq bildirib ki, bu qoşunların sayını qeyd etmir. 20 yanvar 2025-ci ildən bəri ABŞ-a təxminən 23 866 Milli Qvardiya əsgəri göndərilib.
Bir çox amerikalı ekspertlər vurğulayırlar ki, ABŞ ərazisində hərbi personalın daha geniş istifadəsi ölkə daxilində qanun və asayişi qorumaq üçün federal qüvvələrdən istifadəni qadağan edən qanunların kobud şəkildə pozulması deməkdir. “The Intercept” yazır ki, qoşunların yerləşdirilməsi ABŞ-ı əsl polis dövlətinə yaxınlaşdırır. Bundan başqa, mənbə hesab edir ki, qoşunların yerləşdirilməsinin maliyyə xərcləri astronomik ola bilər və yüz milyonlarla, hətta milyardlarla dollara çata bilər. Məqalədə Pentaqonun bu xərcləri gizlətdiyi vurğulanır.
Yeganə
