Ermənistanın Baş nazir Nikol Paşinyan Türkiyəyə başsağlığı verib.
Elchi.az xəbər verir ki, Paşinyan bu barədə “Twitter” hesabında yazıb.
Baş nazir Suriya və Türkiyədə baş vermiş dağıdıcı zəlzələlər nəticəsində həlak olanların ailələrinə başsağlığı verib və yardım təklif edib.
“Türkiyə və Suriyada baş verən və çoxlu insan həyatına son qoyan dağıdıcı zəlzələ məni çox kədərləndirdi. Həlak olanların ailələrinə dərin hüznlə başsağlığı verir və yaralananların tezliklə sağalmasını arzulayırıq. Ermənistan yardım göstərməyə hazırdır”, – deyə Paşinyan “Twitter” hesabında yazıb.
Xatırladaq ki, gecə saatlarında Türkiyənin Kahramanmaraş bölgəsində 7,4 bal, Qaziantepdə isə 6,5-6,4 bal gücündə zəlzələ baş verib. Təbii fəlakət zamanı Malatya, Diyarbakır, Adana, Hatay, Kilis və Osmaniye vilayətlərində binalar dağılıb. Son məlumata görə, zəlzələ nəticəsində 284 nəfər ölüb, 2323 nəfər yaralanıb.
Yeganə