Macarıstanın baş naziri danışıqlara mümkün qədər tez başlamağın zəruriliyini bəyan edib.
Elchi.az xəbər verir ki, Ukraynadakı münaqişənin həlli üçün Rusiya ilə danışıqlara Qərb dövlətləri rəhbərlik etməlidir, çünki Moskva Kiyevdə tərəfdaş görmür. Bu sözləri Macarıstanın baş naziri Viktor Orban Avstriyanın keçmiş kansleri Volfqanq Şussellə söhbətində deyib. Söhbətin mətni Avropanın “European Voices” jurnalında dərc olunub.
Bildirilir ki, Orban danışıqlara mümkün qədər tez başlamaq lazım olduğunu deyib. Macarıstan hökumətinin başçısı hesab edir ki, Rusiya ilə danışıqlar yalnız ABŞ-la aparılarsa, Avropanın maraqları təhlükə altına düşəcək. Onun fikrincə, Avropa İttifaqı “bu bərabərlikdən kənarda” qalmamalıdır.
Baş nazir onu da qeyd edir ki, Ukraynada nizamlanma məsələləri müzakirə edilməlidir, Avropanın təhlükəsizliyinin daha geniş məsələləri yox. O vurğulayır ki, hərbi əməliyyatların daha da genişlənməsinin qarşısını almaq üçün daha çox diplomatik səylər lazımdır.
Öz növbəsində Şussel Orbanla razılaşmayıb. Onun fikrincə, Qərb hərbi qarşıdurmadan qaçmaq üçün bütün vasitələrdən istifadə edib.
Şayəstə Hüseynova
Son şərhlər