Polşanın Baş naziri Donald Tusk İkinci Dünya Müharibəsindən sonra ən kritik dövrlərin yaşandığına diqqət çəkərək dünyanın yeni bir müharibə dövrünə girdiyini qəbul etməsi lazım olduğunu söylədi.
Elchi.az xəbər verir ki, mətbuata açıqlama verən Tusk, önümüzdəki iki ilin hər şeyi müəyyən edəcəyini vurğulayaraq, “Heç kəsi qorxutmaq istəmirəm, amma müharibə artıq keçmişdə deyil. Bu realdır və əslində iki il əvvəl başlamışdır. Hazırda ən narahatedicisi sözün əsl mənasında hər hansı bir ssenarinin mümkün olmasıdır”. deyib.
Tusk müharibə dövrünə qədəm qoyduğumuzu və bunun xüsusilə gənc nəsil üçün dağıdıcı səslənəcəyini, lakin yeni dövrün gəlişinə zehni olaraq hazırlaşmalıyıq deyib.
Ukraynadakı vəziyyətin bir il əvvəlkinə nisbətən çox çətin, eyni zamanda müharibənin əvvəlindən də çox yaxşı olduğunu bildirən Tusk “Bizim əsas vəzifəmiz Ukraynanı Rusiya işğalından qorumaq və Ukraynanı müstəqil və ayrılmaz dövlət kimi saxlamaq olmalıdır”. deyib.
Baş nazir Tusk Polşanın Ukrayna ilə kənd təsərrüfatı və ticarət siyasəti ilə bağlı mübahisələri ilə bağlı bunları deyib:
“Mən yəqin ki, Avropanın ən ukraynayönlü siyasətçisiyəm, amma vətəndaşlarıma cavabdehəm.
Polşanın Baş naziri kimi mən ölkənin fundamental maraqlarının qorunmasına cavabdehəm. Polyaklar böyük qiymət ödəyirlər. Ukraynanı dəstəkləməkdə heç kim Polşa ilə rəqabət apara bilməz. Biz Ukraynaya bacardığımız qədər kömək etmək istəyirik, lakin Avropa Şurasının sonuncu sammitində mən Ukrayna ilə azad ticarət ideyasının yenidən formalaşdırılmasına ehtiyac olduğunu müdafiə etdim. “Mən bu məsələdə Ukrayna ilə ədalətli razılaşma əldə etmək istəyirəm”.
Tusk həmçinin ABŞ ilə güclü ittifaqa ehtiyac duyduqlarını və müdafiə baxımından da müstəqil və özlərinə kifayət etmələri lazım olduğunu qeyd edərək, “Bizim vəzifəmiz ABŞ prezidentinin kim olacağından asılı olmayaraq transatlantik əlaqələri inkişaf etdirməkdir”. qiymətləndirməsini edib.
Şayəstə Hüseynova
Son şərhlər