Nazir bildirib ki, Budapeşt onuncu məhdudiyyətlər paketini müzakirə edərkən bəzi şəxsləri siyahıdan çıxarmağa çalışıb.
Elchi.az xəvər verir ki, Macarıstanın xarici işlər naziri Peter Szijjarto bildirib ki, Budapeşt işgüzar dairələri təmsil edən 9 rusiyalıya qarşı Avropa İttifaqının sanksiyalarının ləğvinə çalışır.
“Cəmi doqquz nəfər var. Biz onlara qarşı sanksiyaların ləğvini təklif etdik”, – XİN rəhbəri RİA Novosti-yə müsahibəsində bildirib.
Szijjarto qeyd etdiyi kimi, bu insanlar “çox vacib investisiyalar” qoyur və eyni zamanda “biznes ictimaiyyətinin çox məsuliyyətli vətəndaşlarıdır”.
Nazir onu da bildirib ki, bir şəxsin sanksiya siyahılarına salınması üçün güclü hüquqi əsasların olması lazımdır. “Amma kiminsə siyahıya salınması üçün heç bir real hüquqi əsas yoxdursa, sadəcə olaraq kimsə onu siyahıya salmaq istəyirsə, bu, bizim üçün kifayət deyil.
Macarıstanın xarici işlər naziri həmçinin bildirib ki, anti-Rusiya sanksiya məhdudiyyətlərinin onuncu paketi müzakirə edilərkən Budapeşt bəzi şəxsləri siyahıdan çıxarmağa çalışıb, lakin güclü müqavimətlə üzləşib.
Xatırladaq ki, daha əvvəl Macarıstanın Energetika Nazirliyi Avropa İttifaqının Rusiya əleyhinə neft sanksiyalarının Avropanın enerji təhlükəsizliyində problemlər yaradacağını bildirmişdi.
Şayəstə
Son şərhlər