Almaniya kansleri Fridrix Mertsin rəhbərlik etdiyi Xristian Demokratik İttifaqının (CDU) Meklenburq-Qərbi Pomeraniya əyalət parlamentinə seçkilərdə məğlubiyyəti Avropa İttifaqının (Aİ) büdcə danışıqlarını təhlükə altına salıb.
Elchi.az xəbər verir ki, bu barədə “Financial Times” (FT) qəzeti yazıb.
Məqalədə qeyd olunur ki, Brüssel Almaniya kanslerinin taleyi ilə bağlı aylarla davam edəcək qeyri-müəyyənliyə hazırlaşarkən, Fridrix Mertsin üzləşdiyi siyasi problemlər Aİ-nin gündəliyini təhlükə qarşısında qoyub.
Nəşr qeyd edir ki, hazırda Avropa İttifaqı qarşısında duran ən aktual məsələ yeddiillik və iki trilyon avro həcmində büdcə sazişinin qəbul edilməsidir; bu proses çətin güzəştləri nəzərdə tutur və buna görə də Almaniyanın qətiyyətli dəstəyini tələb edir. Danışıqlarda iştirak edən Avropa rəsmiləri bildiriblər ki, CDU-nun (Xristian Demokratik İttifaqı) ağır məğlubiyyəti Aİ-ni artıq qarşıdakı aylarla bağlı planlarına yenidən baxmağa məcbur edib.
Mənbələrdən biri deyib: “Merts çox çətin vəziyyətdədir və bu, təbii ki, [Aİ liderlərinin qərarlarına] ciddi təsir göstərir. (…) Çox zəif bir Almaniya kansleri ilə tamamilə yeni bir kansler arasında seçim etmək məcburiyyətində qalanda, sadəcə olaraq, yaxşı variantlar mövcud olmur”.
Merz daha əvvəl rəhbərlik etdiyi CDU-nun Meklenburq-Ön Pomeraniya seçkilərində əldə etdiyi nəticəni fəlakət kimi qiymətləndirmişdi. Səsvermənin nəticəsində partiya öz tarixində ilk dəfə olaraq ştat parlamentində yer qazana bilmədi.
Yeganə
