Argentina millisinin ulduzu Anxel Di Maria və ailəsi doğma şəhəri Rosarioda narkotik kartelindən ölümlə hədələnib.
Elchi.az xəbər verir ki, “Benfika”da çıxış edən argentinalı ulduz futbolçu Angel Di Marianın ailəsinə ölümlə hədələnib. Onların Rosario yaxınlığındakı evlərində qoyduqları mesajda belə deyilirdi: “Oğlunuz Angelə deyin ki, Rosarioya qayıtmasın, əks halda sizlərdən birini öldürməklə onu məhv edəcəyik. Hətta Pullaro (qubernator) da sizi xilas edə bilməz”. yazılıb.
Dekabrdan bəri bölgənin qubernatoru olan Maksimiliano Pullaro bir müddət əvvəl yerli narkotik tacirlərinə qarşı müharibə elan edib.
Narkotik kartellərinin Qubernatora qarşı qisas və güc nümayişi üçün Di Marianı və ailəsini hədəfə aldığı bildirilir.
Ötən il Rosariodan olan Lionel Messinin qayınatasına məxsus biznes güllələnmişdi.
Buenos-Ayresdən 300 kilometr aralıda yerləşən Rosario Argentinanın ən təhlükəli şəhəri hesab olunur və hər 100 min nəfərə 22 qətl hadisəsi baş verir. Taxıl ixracı üçün mühüm liman şəhəri olan Rosarioda yerli narkotik ticarəti illərdir davam edir. Bu, həm də qonşu ölkələrdən gələn bandaların keçid məntəqəsidir.
Təkcə martın əvvəlində şəhərdə 5 gündə 4 qətl hadisəsi baş verib.
Şayəstə Hüseynova