Qərb liderləri üçün “VİP ərazi” hazırlanıb
“Le Parisien” qəzeti yazır ki, Fransanın sabiq prezidenti Nikola Sarkozi Parisdə bazar günü keçiriləcək mitinqdə iştirak edəcək. Qəzetin məlumatına görə, o, Fransa Respublikasının hazırkı prezidenti Fransua Ollandla birlikdə Avropa liderləri ilə birgə addımlayacaq.
Qəzet bildirir ki, Parisin “Respublika Meydanı”na 1 milyondan artıq insanın toplaşacağı gözlənilir. O da vurğulanır ki, Qərb liderlərinin təhlükəsizliyi məsələsi xüsusi önəm daşıyır və onların təhlükəsizlik xidməti ilə etibarlı şəkildə təmin olunacağı gözlənilir. Həmin qrupa isə şərti olaraq “VİP ərazi” adı verilib. (“Xüsusi Önəmi Olan Şəxs” anlamına gəlir)
Fransanın sabiq prezidenti Nikola Sarkozi onu da bəyan edib ki, o, terror aktı zamanı öldürülmüş insanların yas mərasiminə də qatılacaq. Qəzet yazır ki, axırıncı dəfə Cənubi Afrika Respublikasının 2013-cü ilin dekabrında vəfat etmiş sabiq prezidenti Nelson Mandelanın yas mərasimində Fransanın sabiq və hazırkı prezidentləri bir araya gəlmişdilər.
Son şərhlər