Nausėda: Ukrayna mütləq NATO-ya üzv olacaq, məsələ qəbul tarixi ilə bağlı qalır.
Elchi.az xəbər verir ki, Litva prezidenti Gitanas Nauseda bildirib ki, Ukrayna mütləq Şimali Atlantika Müqaviləsi Təşkilatına (NATO) üzv olacaq, sadəcə qəbul tarixi məsələsini həll etmək lazımdır. Bu barədə TASS məlumat yayıb.
Nauseda bu barədə Ukrayna prezidenti Vladimir Zelenski ilə görüşündən sonra açıqlama verib. Onun fikrincə, Vilnüsdə keçirilən alyans sammitindən sonra Ukraynanın NATO-ya daxil olması ilə bağlı şübhələr aradan qalxıb.
“Ukraynanın NATO-ya üzvlüyü ilə bağlı heç bir sual yoxdur, onun nə vaxt alyansa qəbul ediləcəyi sual altında qalır”, – deyə siyasətçi bildirib. O, həmçinin əlavə edib ki, Litva Ukraynaya təşkilata qəbul prosesində əlavə yardım göstərəcək.
Şayəstə Hüseynova