Banqladeş və Myanmaya təsir edən Moça qasırğasının yaratdığı sel və güclü küləklər nəticəsində 5 nəfər həyatını itirib, 700-dən çox insan isə yaralanıb.
Elchi.az xəbər verir ki, Myanmanın Arakan əyalətinin paytaxtı Sittvedəki Arakan Gənclik Xeyriyyə Dərnəyindən verilən açıqlamada bölgə sakinlərinin daşqın riskinə qarşı hündürmərtəbəli binalara sığındığı, 700-dən çox insanın yaralandığı bildirilib.
Yerli mətbuatda yer alan xəbərlərdə sürəti saatda 209 kilometrə çatan qasırğada axtarış-xilasetmə işləri zamanı 5 nəfərin cansız bədəninə çatıldığı bildirilib.
Myanmadakı hərbi administrasiya rəsmilərinin bəyanatında güclü küləyin binalara və elektrik xətlərinə ziyan vurduğu, bəzi binaların damlarının uçurulduğu bildirilib.
Güclü yağış və daşqınlara səbəb olan 5-ci kateqoriya olaraq təyin olunan Moça qasırğası ilə əlaqədar ölkənin qərb sahilindəki Arakan əyalətində fövqəladə vəziyyət elan edilib.
Banqladeş və Myanmada Moça qasırğası səbəbindən sahilyanı ərazilərdə yüz minlərlə insan təxliyə edilib.
Təxliyyələr davam etdiyi üçün insanlar sahilyanı ərazilərdən uzaq durmağa çağırılıb.
Banqladeşdə təxliyə edilənlərin sayının 700 mini keçdiyi təxmin edilir.
Myanmada 2008-ci ildə “Nargis” qasırğasında 135 min insan həyatını itirmişdi.
Şayəstə Hüseynova
Son şərhlər