“Musavatda bir neçə ilimi onlarla keçirdiyimə çox peşman oldum”

Müsavat daxilində baş verənlər medianın günədimin zəbt etməkdədir. Hər kəs baş verənləri öz arşınıyla ölçür, kimin haqlı, kimin haqsız olduğu barədə arqumentlərini ictimai rəyə təlqin etməyə çalışır.

Keçmiş baş prokuror, Milli Konqres Partiyasının sədri İxtiyar Şirinin də proseslərə öz baxış bucağı var. Əvvəlcə onun Qubad bəyin bir açıqlamasına münasibətini təqdim edək. Onu da bildirək ki, sən demə, bu gün Qubad bəyin başına gələnləri 18 il öncə İxtiyar Şirin yaşayıbmış:

“Hörmətli Qubad bəy. Müsavat Partiyasının Divanı 1997-ci ildə eyni belə bir qərar qəbul etmişdi. Mənim barəmdə verilmişdi həmin qərar. O zaman mən çox sevindim bu qərarın verilməsinə. Divanın bu qərarı nəticəsində mən azadlıq əldə etdim. Onların belə qərar vermələrinin səbəblərindən biri mənim hakimiyyətlə müxalifətin dialoq qurması ilə bağlı çağırışlarım idi. Onlar qəzetləri vasitəsi ilə mənə böhtan da atdılar. Guya mən onların hinduşka adlandırdıqları bir hakimiyyət nümayəndəsi ilə gizli görüşüb, ondan təlimatlar alıb belə bəyanatlar verirəm. İndi Müsavat Partiyasının rəhbərliyi hakimiyyətlə hansısa bir dialoq qurmaq üçün müxtəlif yolar axtarır. Lakin heç prezident aparatının şöbə müdiri də onları qəbul edib danışmaq istəmir. Bütün bunlara baxmayaraq mən İsa bəylə də, digərləri ilə də münasibətlərimi qoruyub saxlamağa çalışmışam. Çünki siyasət adlanan meydan bizə məxsus deyil. Bu meydanın sahibi xalqımız və dövlətimizdir. Bu siyasət meydanında biz hamımız xalqa və dövlətə xidmət etməli olduğumuz üçün bir-birimizlə olan münasibətlərimizi tam qırmalı deyilik. Sizin barənizdə qəbul edilən qərarın doğru olmadığını mən də bilirəm. Lakin münasibətləri ən az səviyyədə də olsa qoruyub saxlamaq lazımdır. Siz azadlıq qazanmısınız. Buna gərə də bu azadlığı Sizə verənlərə bir təşəkkür borcunuz da qalır. Gələcək siyasi fəaliyyətinizdə Sizə uğurlar diləyirəm.”

Bu rəylə tanış olan Moderator.az-ın əməkdaşı İxtiyar Şirindən bir neçə suala cavab almağı lazım bilib.

-Həmin hadisələrdən uzun bir zaman keçib. İndi onların yazdığı təhqiramiz ifadənin kimin barəsində işlədildiyini desəm, həmin şəxsin şəxsiyyətinə toxuna bilərəm. Ona görə də ən yaxşısı bunu onların özlərindən soruşun.

-Mən Müsavatdan çıxmadım. Həmin vaxt mən də Qubad bəy kimi Müsavat Partiyasının məclisinin və divanın üzvü idim. Lakin onlar mənim iştirak etmədiyim divan iclasında mənim partiyadan xaric edilməyimlə bağlı qərar qəbul etdilər. Mən Müsavat Partiyasının zəifləməsini deyil, güclənməsini istəyirdim. Buna görə də partiyanın hakimiyyətlə siyasi dialoq quraraq Qarabağ məsələsi, demokratik seçki keçirilməsi ilə bağlı məsələlərin, bir çox başqa həll edilməsi vacib olan məsələlərin müzakirə edilməsini zəruri hesab edirdim. Çox təəssüf ki, partiyanın rəhbərliyi bu məsələləri məclisdə və divanda müzakirə etmək və partiyanın bu məsələyə münasibətini müəyyən etmək əvəzinə məni partiyadan uzaqlaşdırdılar. Mən onların bu hərəkətlərini gördükdən sonra bir neçə ilimi onlarla bir yerdə keçirdiyimə çox peşman oldum. Ancaq yaxşı ki, mənim onlardan aralanmağıma onlar özləri kömək etdilər. Buna görə də bu işdə əli olanların hamısına minnətdaram.

-Mən həmin qərardan sonra Müsavat Partiyasına getmədim. Ancaq gərək gedib onlara öz minnətdarlığımı bildirəydim. Mən və bir neçə nəfər onları daha yaxından tanıdığımız üçün onların bu qərarının bizim xeyrimizə olduğunu bilirdik. Ona görə də qərarın doğru olmadığı ilə müzakirə aparmağa və mübahisə etməyə heç bir lüzum da yox idi.

-Ehtiyac yox idi. Bütün bunlara baxmayaraq mən bu gün İsa bəylə, mənə qarşı bu işdə iştirak edən digərləri ilə də normal münasibətlərimi saxlamağa çalışıram. Siyasətdə də əbədi düşmənçilik yoxdur. Ancaq hamı bir-birini tanıyanda işlər daha etibarlı olur.