Oyunda tərəflər sülh bağladı
İngiltərə Liqa Kubokunda yarımfinal mərhələsinin ilk oyunu keçirilib.
ANS PRESS-in məlumatına görə, ilk oyun günündə “Liverpul” öz meydanında “Çelsi” ilə qarşılaşıb.
Hesabda ilk olaraq penalti ilə “mavilər” önə keçib. “Qırmızılar” isə bir çox qol vəziyyətləri yaratsalar da, hamısı uğursuz alınıb. Onlar istəyinə matçın ikinci hissəsində – 59-cu dəqiqədə çatıblar: Sterlinq hesaba tarazlıq gətirib.
Hesabın bərabərləşməsindən sonra özündə əminlik yaranan liverpullular pressinq tətbiq etməyə çalışsalar da onların bu səyi nəticəsiz qalıb və hesab dəyişməyib: 1-1.
Qeyd edək ki, yarımfinal mərhələsinin növbəti oyunu bu gün keçiriləcək.
20 yanvar,
İngiltərə Liqa kuboku,
yarımfinal mərhələsi:
“Liverpul” – “Çelsi” – 1:1
Qollar: Hazard, 18-pen. (0:1), Sterlinq, 59 (1:1)
ANS PRESS
