Mavi balinalar Hind Okeanının onilliklər əvvəl ovlanaraq məhv olduqları bir hissəsində öz evlərini qururlar.
Elchi.az xəbər verir ki, BBC-nin məlumatına görə, tədqiqatçılar bu kəşfə Afrikanın şərqindəki ada ölkəsi olan Seyşel adalarının dəniz dibinə sualtı mikrofonlar yerləşdirməklə nail olublar.
Tədqiqatçılar bir il ərzində sualtı mikrofon və səs yazıcıları ilə hər gün saatda 15 dəqiqə qeyd edərək mavi balinaların çıxardıqları səsləri araşdırıblar.
Tapıntılar mavi balinaların bölgədə aylarla qaldığını göstərsə də, tədqiqatçılar bu inkişafın mavi balinaların bu bölgədə çoxala biləcəyi mənasını verdiyini söyləyirlər.
1960-cı illərdə balina ovu səbəbiylə bölgədəki populyasiyaları məhv edildikdən sonra yenidən Hind okeanında mavi balinaların görülməsi, onların bölgəni yenidən öz yurduna çevirdiklərini göstərir.
Araşdırmanın aparıcı müəllifi Dr. Kate Stafford,”Məlum oldu ki, heyvanları kütləvi şəkildə öldürməyi dayandırsanız və onlara sağalmaq şansı versəniz, onlar sağala bilərlər” -deyib.
Seyşel adalarının mavi balinalar üçün əhəmiyyətli ola biləcəyini qeyd edən Stafford, “Onlar çoxalma mövsümündə oxuyurlar və digər balinalar haqqında bildiklərimizə əsaslanaraq, o oxuyanların böyük ehtimalla erkək olduğunu düşünürük. “Buna görə də Seyşel adalarının yetişdirmə məkanına çevrilmək potensialı var.
Stafford mavi balinaların çıxardığı səslərin 188 desibeldə 15-20 saniyə davam etdiyini, bunun reaktiv mühərrikin çıxardığı səsə bərabər olduğunu ifadə edərək, bunun heyvanlar aləmindəki “ən yüksək davamlı səs” olduğunu vurğulayıb.
Nuranə Məmmədova