Latviyanın xarici işlər naziri Edqars Rinkeviç və Estoniyanın xarici işlər naziri Marqus Tsahkna bildiriblər ki, Rusiya Ukraynada törətdiyi cinayətlərə görə beynəlxalq ədalət qarşısında cavab verməlidir.
Elchi.az xəbər verir ki, Rinkeviçs tanışlıq səfəri üçün Latviyanın paytaxtı Riqada olan Tsahkna ilə görüşüb.
Görüşdən sonra mətbuat konfransı keçirən nazirlər ikitərəfli əlaqələr, beynəlxalq təşkilatlar çərçivəsində əməkdaşlıq, regionda təhlükəsizlik vəziyyəti və Ukraynaya dəstək məsələlərini müzakirə etdiklərini açıqlayıblar.
Rinkeviç və Tsahkna vurğulayıblar ki, Rusiya Ukraynada törətdiyi cinayətlərə görə beynəlxalq ədalət qarşısında cavab verməlidir.
Tsahkna, Baltikyanı ölkələr olaraq onların Rusiyaya qarşı “isterik” kimi qələmə verildiyinə diqqət çəkib: “Amma təəssüf ki, biz haqlı idik və indi düşünürəm ki, mesajımız daha güclü və daha ciddi qəbul edilir”,-deyib.
Ukraynanın NATO məqsədlərinə gəlincə, Tsahkna deyib ki, “ukraynalılara yaxın gələcəkdə üzv olmaq üçün aydın mesaj vermək” vacibdir.
Regional əməkdaşlığın əhəmiyyətinə toxunan Rinkeviç deyib:
“Biz davamlılığımızı gücləndirmək üçün hər zamankından daha çox regional əməkdaşlığı, xüsusən Skandinaviya və Baltikyanı ölkələr səviyyəsində inkişaf etdirməliyik. Baltikyanı ölkələr indi NATO-nun qarşıdan gələn sammiti öncəsi strateji koordinasiyanı saxlamalıdırlar. Latviya və Estoniya arasında ikitərəfli müdafiə əməkdaşlığı və NATO çərçivəsində əməkdaşlıq səmərəli olub və milli təhlükəsizlik maraqlarımızı dəstəkləyib”.
Nuranə Məmmədova
Son şərhlər