Krosetto: Ukraynaya silah tədarükü ölkənin ehtiyatları tükənmədən həyata keçirilməlidir.

Müdafiə naziri Krosetto qeyd edib ki, İtaliya hakimiyyəti Ukraynaya hərbi yardım haqqında altıncı fərmanı hələ hazırlamır.
Elchi.az xəbər verir ki, bu barədə İtaliyanın müdafiə naziri Guido Crosetto bildirib ki, Ukraynaya silah tədarükü onun öz silah ehtiyatı tükənmədən həyata keçirilməlidir.
O, bu barədə “Il Messaggero” qəzetinə müsahibəsində bildirib.
“Ukrayna artıq bir neçə aydır ki, mülki hədəflərə hava hücumlarına qarşı mübarizə üçün dəstək istəyir <…>. Əgər imkan olarsa, biz təbii ki, onların müdafiəsinə kömək edəcəyik”, – nazir deyib.
Eyni zamanda, Krosetto qeyd edib ki, İtaliya hakimiyyəti hələlik Ukraynaya hərbi yardım haqqında altıncı fərmanı hazırlamır. Onun sözlərinə görə, bu, ölkənin ehtiyatlarından yüksək keyfiyyətli texnika və mərmilərin seçilməsini, eləcə də İtaliyanın müdafiə qabiliyyətinin azaldılmamasını nəzərə alan mürəkkəb prosesdir.
Nazir vurğulayıb ki, Ukraynadakı münaqişəyə tezliklə son qoyulacağına ümid edir.
“Biz dialoq qurmalı və istənilən imkanları ciddi qəbul etməliyik. Biz bütün aktyorlarla danışmalıyıq. Və hesab edirəm ki, baş nazir Giorgi Meloni və İtaliyanın rolu ikinci dərəcəli olmaya bilər”, – nazir deyib.
Xatırladaq ki, Ukrayna prezidenti Vladimir Zelenski İtaliyanın baş naziri Corc Meloni ona hava hücumundan müdafiə sistemlərinin Kiyevə verilməsi məsələsi ilə bağlı ölkədə gedən müzakirələr barədə məlumat verdiyini bildirib. Söhbət “Patriot” zenit-raket komplekslərindən gedir.

Şayəstə