Kolumbiya prezidenti Qustavo Petro İsrail hökumətini fələstinlilərə qarşı soyqırımda ittiham edərək, onunla diplomatik münasibətləri kəsdiyini elan edib.
Elchi.az Reuters.com-a istinadən xəbər verir ki, bu barədə “Deutsche Welle”-nəşri bildirib.
Nəşrin məlumatına görə, Petro Boqotada Beynəlxalq Əmək Günü münasibətilə etdiyi çıxışda Fələstin xalqının məhv ediləcəyi təqdirdə bütün bəşəriyyətin də məhv olacağını bəyan edib.
O, əlavə edib ki, mayın 2-də İsraillə əlaqələr kəsiləcək.
Kolumbiyanın Xarici İşlər Nazirliyi İsrailin Qəzza zolağında apardığı hərbi əməliyyatlara görə diplomatik heyətin vətənlərinə dönəcəyini açıqlayıb. İsrail və Fələstində olan Kolumbiya vətəndaşları Təl-Əvivdəki konsulluq şöbəsindən müvafiq xidmətləri alacaqlar.
İsrail hakimiyyəti Kolumbiya prezidentinin bəyanatlarını kəskin şəkildə pisləyib. İsrailin xarici işlər naziri İsrael Katz Qustavo Petronu HƏMAS-ın qatillərini və təcavüzkarlarını mükafatlandıracağını vəd edən antisemit adlandırıb.
Yeganə