Avropa, Ukraynadakı münaqişə başa çatdıqdan sonra belə Rusiya ilə normal münasibətlərə qayıtmayacaq.
Elchi.az xəbər verir ki, bu barədə Avropa diplomatiyasının rəhbəri Kaya Kallas aprelin 30-da Baltikyanı və Şimali Avropa ölkələrinin xarici işlər nazirləri ilə keçirdiyi mətbuat konfransında bildirib. Onun sözləri Avropa Xarici Fəaliyyət Xidmətinin saytında dərc olunub.
“Biz hamımız burada həmfikirik: Moskva Ukraynadakı münaqişəni bitirdikdən sonra belə Rusiya ilə “adi” iş rejimini bərpa etmək mümkün olmayacaq. Gələn ay Kiprdə Aİ xarici işlər nazirləri Rusiyaya qarşı yanaşmamızı və təhlükəsizlik maraqlarımızı ən yaxşı şəkildə necə qoruyacağımızı müzakirə etməyə davam edəcəklər”, — deyə o qeyd edib.
Kallas həmçinin Rusiyanı guya “inanılmaz miqyasa” çatmış “hibrid hücumlarda” ittiham edib. O, avropalıları Rusiyaya qarşı sanksiyaları sərtləşdirməyə, Moskvanı “məsuliyyətə cəlb etməyə”, Rusiyanın “beynəlxalq təcridini” təmin etməyə və Avropa ölkələrinin sərhədlərini Rusiya hərbçiləri üçün bağlamağa çağırıb.
Məryəm
