ABŞ Dövlət Departamenti İsrail və Suriya arasında “birgə kommunikasiya mexanizmi”nin yaradıldığını elan etdi.
Elchi.az xəbər verir ki, ABŞ Dövlət Departamenti ABŞ, İsrail və Suriya tərəfindən imzalanan müqavilə ilə bağlı yazılı açıqlama yaydı. Bəyanatda qeyd olunur ki, İsrail və Suriyanın yüksək vəzifəli rəsmiləri iki ölkə arasındakı münasibətlərlə bağlı məsələləri müzakirə etmək üçün ABŞ-ın himayəsi altında Parisdə görüşdülər.
Birgə bəyanatda deyilir: “Bu kontekstdə iki ölkə kəşfiyyat paylaşımı, hərbi gərginliyin azaldılması, diplomatik münasibətlər və ticarət imkanları üzrə ABŞ-ın himayəsi altında təcili və davamlı koordinasiyanı asanlaşdırmaq üçün birgə kommunikasiya mexanizmi yaratmaq qərarına gəliblər. Bu mexanizm hər hansı bir fikir ayrılığını dərhal həll etmək və anlaşılmazlıqların qarşısını almaq üçün bir platforma rolunu oynayacaq. Bu birgə bəyanat bu vacib görüşün ruhunu və tərəflərin gələcək nəsillərin xeyrinə münasibətlərində yeni bir fəsil açmaq öhdəliyini əks etdirir.”
Şayəstə
