İsrail qüvvələri Cenin şəhərinin məhəlləsini mühasirəyə alıb

İsrail qüvvələri işğal altındakı İordan çayının qərb sahilinin şimalında yerləşən Cenin bölgəsindəki Sayr qəsəbəsində bir məhəlləni mühasirəyə alıb.
Elchi.az xəbər verir ki, Şahidlərdən alınan məlumata görə, İsrail qüvvələri Cenin şəhərinin Sayr qəsəbəsinə basqın edib.
İsrail əsgərləri qəsəbədəki bir məhəlləni mühasirəyə alarkən, fələstinlilərə məxsus evi də mühasirəyə alaraq içəridəkilərdən təslim olmalarını istəyiblər.
Fələstin və İsrail rəsmilərindən insidentlə bağlı hələlik heç bir açıqlama verilməyib.
Digər tərəfdən, İsrail qüvvələrinin Sayr qəsəbəsində mühasirədə olan evin yaxınlığında fələstinliləri canlı qalxan kimi istifadə etdiyini göstərən videolar da sosial mediada paylaşılıb.

Şayəstə Hüseynova