İsrail ordusunun Qəzza zolağının müxtəlif bölgələrində davam edən hücumlarında bir ana və 3 uşağı da daxil olmaqla 7 fələstinli həyatını itirib. Qəzza Səhiyyə Nazirliyi Xan Yunisdəki hücumda ölənlərin sayını 45-ə çatdırıb.
Elchi.az xəbər verir ki, Fələstin xəbər agentliyi WAFA-nın bölgədəki səhiyyə mənbələrindən verdiyi məlumata görə, İsrail ordusu Xan Yunisin qərbindəki Mavasi bölgəsində köçkün fələstinlilərə ev sahibliyi edən Şafii Çadır Düşərgəsini hədəf alıb. Hücum zamanı bir ana və 3 uşağı da daxil olmaqla 5 nəfər həyatını itirib.
Qəzza zolağının mərkəzindəki Deyr əl-Bəlah bölgəsində yerləşən Bürc əl-Feysəl bölgəsi də səhər saatlarında işğalçı qüvvələrin bombardmanına məruz qalıb. Hücum nəticəsində bir qadın həyatını itirib.
İsrail döyüş təyyarələri mərkəzi hissədə Səlahəddin küçəsində yardım paylanmasını gözləyən fələstinliləri bombalayıb. Hücum zamanı bir fələstinli həyatını itirib, çoxlu sayda yaralı var.
XAN YUNUSDA 45 ÖLÜM
Qəzza Səhiyyə Nazirliyi Xan Yunisdəki hücumda ölənlərin sayını 45-ə çatdırıb.
Şayəstə Hüseynova
