Qəzzada Səhiyyə Nazirliyindən edilən son şərhə görə; İsrailin Qəzza zolağına son 24 saatda təşkil etdiyi hücumlarda həlak olan fələstinlilərin sayı 201 nəfər artaraq 20 min 258-ə çatıb.
Elchi.az xəbər verir ki, Qəzzada Səhiyyə Nazirliyi son 24 saatda İsrailin hücumlarında 201 fələstinlinin öldüyünü, 368 nəfərin yaralandığını açıqlayıb.
Oktyabrın 7-dən bəri davam edən hücumlarda ölənlərin sayının 20 min 258-ə, yaralıların sayının isə 53 min 688-ə yüksəldiyi qeyd edilib.
Qəzza hökumətinin Media Ofisindən verilən açıqlamada, İsrail ordusunun Qəzza şəhərinin şərqindəki Əl-Şücaiyyə bölgəsində həyata keçirdiyi hücumda fələstinli jurnalist Məhəmməd Əbu Huveydinin həyatını itirdiyi bildirilib.
Qeyd olunub ki, İsrailin oktyabrın 7-dən etibarən Qəzza zolağına hücumlarında həlak olan jurnalistlərin sayı 100-ə çatıb.
Media Ofisindən əvvəlki açıqlamada İsrailin “ Fələstin hekayəsini susdurmaq, faktları gizlətmək, xəbər və məlumatların regional və beynəlxalq ictimaiyyətə çatmasının qarşısını almaq üçün Qəzzada jurnalistləri qəsdən öldürdüyü” bildirilmişdi.
Nuranə Məmmədova
Son şərhlər