İsrail-Həmas müharibəsinin 19-cu günü! Qəzzada ölənlərin sayı artmaqda davam edir

İsrail Qəzzaya hücumlarını davam etdirir. Qəzza zolağına edilən son hücumlarla ölənlərin sayı 5 min 791-ə çatıb.
Elchi.az xəbər verir ki, İsrailin Qəzzaya 7 oktyabrdan bəri davam edən hava hücumlarında ölənlərin sayı 5 min 791 olub. Yaralıların sayı 16 min 297 nəfərdir. Ölənlərin 2 min 360-ı uşaq, 1292-si qadındır.
İsrail ordusunun Qəzza zolağına intensiv hücumları 19-cu günün səhərinə qədər fasiləsiz olaraq davam edib.
Fələstinin rəsmi xəbər agentliyi WAFA-nın məlumatına görə , Qəzza zolağının qərbindəki Şati Qaçqınlar Düşərgəsindəki bir evə hava hücumu nəticəsində ölən və yaralananlar var.
İsrail ordusunun döyüş təyyarələrinin müşayiəti ilə işğal altındakı İordan çayının qərb sahilindəki Cenin şəhərinə təşkil etdiyi hücumda yaralanan fələstinlilərdən biri həyatını itirib, ölənlərin sayı isə 4-ə yüksəlib.

İsrail qüvvələri Hebron şəhərinin əl-Barec, Deyr əl-Asel, əl-Məcd və Tavvas kəndlərinə basqın edərək, orada 11 fələstinlini həbs edib.

Nuranə Məmmədova