İran hərbi rəsmiləri ABŞ və İsrail ilə davam edən münaqişə ilə bağlı ritorikalarını sərtləşdirərək müharibənin gedişatını müəyyən edəcəklərini bildiriblər.
Elchi.az xəbər verir ki, İran hərbi sözçüsü İbrahim Zülfəqari ABŞ prezidenti Donald Trampa müraciət edərək müharibənin sonunun sosial media vasitəsilə deyil, döyüş meydanında müəyyən ediləcəyini bildirib.
“Biz qonşularımızla müharibədə deyilik”
Zülfəqarinin regiondakı qonşu ölkələrə müraciətində verdiyi yeni açıqlamada İranın özünümüdafiə hüququ və suverenliyini qorumaq əzmi vurğulanıb.
Sözçü bölgədəki ABŞ hərbi bazalarından gələ biləcək hər hansı bir hücuma qarşı xəbərdarlıq edərək bildirib:
“Siz müharibəyə başladınız, amma onun nə qədər davam edəcəyinə və necə bitəcəyinə biz qərar verəcəyik. Biz ona son qoyacağıq”.
İran prezidenti Pezakişyan və Xarici İşlər Nazirliyinin rəsmiləri də oxşar mövqe tutaraq, İranın qonşuları ilə müharibədə olmadığını, yalnız İran ərazisini hədəf almaq üçün istifadə edilən bölgədəki ABŞ hərbi bazalarını hədəf aldığını təkrarlayıblar.
Enerji infrastrukturuna qarşı qisas xəbərdarlığı
Bu yaxınlarda verilən başqa bir xəbərdarlıqda Zülfəqari İranın enerji infrastrukturuna və ya limanlarına edilən hər hansı bir hücumun bölgədəki bütün neft və qaz obyektlərini yandıracağını bildirdi.
Tehran administrasiyası ABŞ və müttəfiqlərinin maraqlarının olduğu neft emalı zavodlarının və ixrac terminallarının İran üçün qanuni hədəflər olduğunu açıqladı.
Şayəstə
