Instagram və WhatsApp istifadəçiləri ilə söhbətə başlayacaq

Meta, AI chatbotunun istifadəçilərlə əlaqəni artırmaq məqsədi ilə keçmiş söhbətlərə əsaslanaraq "ardıcıl mesajlar" göndərəcəyi yeni funksiyanı sınaqdan keçirir. Business Insider-ə görə, Meta AI ilk mesajı heç bir xəbərdarlıq etmədən göndərir və sonra keçmiş söhbətlər əsasında söhbəti yenidən başladır.
Elchi.az xəbər verir ki, bu yeni Meta funksiyası Messenger, Instagram və WhatsApp kimi platformalarda əlçatan olacaq.
Testlərdə istifadə edilən bir nümunə chatbot olan "The Maestro of Movie Magic" istifadəçiyə "Bu gecə üçün film tövsiyəsi istərdinizmi?" kimi suallarla birbaşa mesaj göndərir.
O, istifadəçinin artıq başlatdığı söhbətlər əsasında yenidən bağlanır.
Bu sistem məlumat etiketləmə firması Alignerr tərəfindən hazırlanmış təlimatlara uyğun olaraq hazırlanır.
Meta və Alignerr fərdiləşdirilə bilən süni intellekt botlarını öyrətmək və bu botlara gələcəkdə istifadəçi ilə proaktiv əlaqə yaratmaq üçün birlikdə işləyirlər.

Şayəstə Hüseynova