Hazırda ölkənin maliyyə vəziyyətinin kəskin pisləşməsi hökuməti bir sıra radikal addımlar atmağa məcbur edir. 2016-cı ilin birinci yarısına qədər dövlət müəssislərində və büdcə təşkilatlarına çalışanların 25 faizi ixtisar edilib. Bu barədə istiqlal.az-a hakimiyyətdəki mənbələrdən məlumat daxil olub.
Mənbənin məlumatına görə, ixtisarlara hələ ötən ilin əvvəllərində – 21 fevral sevalvasiyasından sonra start verilib: “Ancaq əvvəllər bu proses yumuşaq formada aparılırdı, Məsələn, büdcə təşkilatlarına, icra orqanlarına tapşırılmışdı ki, təqaüd yaşına çatanları pensiyaya yollayıb yerinə yeni işçi götürməsinlər. Ancaq indi artıq məsələ sərt şəkildə qoyulub – ilin birinci yarısının sonuna qədər dövlət müəssisələri və büdcə təşkilatlarında çalışanların 25 faizi ixtisar edilməlidir. Çünki neftin qiyməti psixoloji 30 dollar həddindən aşağı yuvarlandığından büdcə bu ağırlığa dözmür”.
Mənbənin iddiasına görə, bəzi dövlət qurumlarının ləğvi və birləşdirlməsi də bu prosesin tərkib hissəsidir: “Bəzi hallarda bütöv dövlət strukturları ləğv ediləcək, onların funksiyaları başqa quruma veriləcək, bəzi strukturlar isə kiçiləcək. “
Dövlət Statistika Komitəsinin məlumatına görə, dövlət müəssisələrində və büdcə təşkilatlarında 879,2 min nəfər çalışır. 25 faizlik ixtisar olacaqsa, deməli, ilin birinci yarısında 220 min iş yerini itirəcək.
Son şərhlər