Gürcüstanın baş nazirliyinə namizəd İrakli Kobaxidze yeni hökumətdə yalnız hərbi idarənin rəisini əvəzləyəcəyini açıqlayıb.
Elchi.az bu barədə News.am-a istinadən xəbər verir.
“Mən hökumətin bütün üzvlərinə qalmağı təklif etmişəm. Yalnız müdafiə naziri Xuanşer Burçuladze siyasətdən başqa sahəyə keçmək istəyirdi. Mən onun qərarına hörmət edirəm. Müvafiq olaraq, Gürcüstan hökumətində bir dəyişiklik olacaq: müdafiə naziri postuna parlament sədrinin müavini İrakli Çikovaninin namizədliyi irəli sürüləcək”, – deyə Kobaxidze jurnalistlərə bildirib.
Bundan əvvəl hakim “Gürcü Arzusu-Demokratik Gürcüstan” partiyasının qurultayı keçirilib, qurultayda keçmiş baş nazir İrakli Qaribaşvili partiyanın yeni lideri, partiyaya əvvəllər rəhbərlik etmiş Kobaxidze isə namizəd kimi irəli sürülüb.
Yeganə
Son şərhlər