Astronomlar Günəş sisteminin uzaq kənarlarında “Ammonit” adlı sirli göy cismi aşkar ediblər.
Ammonit Neptundan kənarda yerləşən və Trans-Neptun Obyekti (TNO) kimi təsnif edilən bir obyektdir. Onun unikal xüsusiyyəti yüksək elliptik orbitidir.
Bu xüsusiyyət onu Sedna kimi yalnız üç oxşar obyekti olan Sednoid qrupuna yerləşdirdi. Sednoidlər perihelionu (Günəşə ən yaxın nöqtəsi) 60 astronomik vahidi (au) keçən nadir obyektlərdir.
Bu obyektlərin orbitlərini izah etmək üçün astronomlar Doqquzuncu Planet adlandırdıqları böyük, hələ kəşf edilməmiş bir planetin varlığını təklif edirlər. Bununla belə, Ammonitin orbiti mövcud Sednoidlərin orbitindən fərqlənir. Tədqiqatçıların fikrincə, bu, Planet Nine fərziyyəsini daha da çətinləşdirir.
4,5 milyard il ərzində dəyişməz orbit
Ammonitin orbiti, kompüter simulyasiyalarına görə, Günəş Sisteminin yaranmasından bəri təxminən 4,5 milyard ildir sabitdir. Obyekt ilk dəfə 2023-cü ildə Subaru Teleskopu tərəfindən aşkar edilib, lakin Kanada-Fransa-Havay teleskopunun arxiv məlumatlarından istifadə edilməklə, qəti identifikasiya 2024-cü ildə təsdiqlənib.
Kəşf FOSSIL (Formation of the Outer Solar System: An Icy Legacy) müşahidə proqramının bir hissəsi olaraq edilib. Proqram Günəş sisteminin uzaq bölgələrində buzlu obyektləri axtarmaq məqsədi daşıyır.
Şayəstə Hüseynova
