Fransanın şimalında yerləşən Sen-Port şəhərində smartfonların ictimai yerlərdə istifadəsi qadağan edilib. Qərar rəqəmsal asılılıqla mübarizə məqsədilə qəbul edilib.
Dünyada asılılığa çevrilən smartfonların sosial həyata mənfi təsirləri ölkələrin gündəminə gəlməyə başlayıb. Fransanın bir şəhəri insanları ətrafdan təcrid edən ictimai yerlərdə cib telefonlarından istifadəyə qarşı tədbir görüb.
Elchi.az xəbər verir ki, Sene-et-Marne bölgəsindəki Sen-Port şəhərində həftə sonu ictimai yerlərdə mobil telefonlardan istifadə ilə bağlı səsvermə keçirilib. Təxminən 1900 nəfərin yaşadığı qəsəbədə 272 nəfərdən 146-nın “bəli” səs verməsi nəticəsində ictimai yerlərdə smartfondan istifadə qadağan edilib.
Qərarla ictimaiyyət şəhər küçələrində, mağazalarda, bərbərlərdə və parklarda smartfonlardan istifadə edə bilməyəcək, onlar kafe və restoranlarda yemək yeyərkən və ya məktəb qarşısında övladlarını gözləyərkən mobil telefonlarına vaxt ayıra bilməyəcəklər. Şəhər küçələrində itənlər telefonlarında xəritələrdən istifadə etmək əvəzinə başqa insanlardan istiqamət istəməli olacaqlar. Mağaza sahiblərindən pəncərələrə xəbərdarlıq yazıları yapışdırmaq və nəzakətlə müştərilərdən telefonlarını yerə qoymağı xahiş etmələri tələb olunur.
Şəhər həmçinin uşaqların ekrandan istifadə vaxtı ilə bağlı sərəncam qəbul edib. Müvafiq olaraq, uşaqlar səhər saatlarında ekranda heç nəyə baxa bilməyəcək, yataq otaqlarında ekran olmayacaq, yatmazdan əvvəl və ya yemək zamanı heç nəyə baxa bilməyəcəklər. Valideynlər övladlarının 15 yaşına qədər smartfondan istifadə etməyəcəyinə dair yazılı öhdəlik vermələri halında, bələdiyyə onlara interneti olmayan köhnə tipli mobil telefonlar verəcək.
Smartfonlara qarşı heç bir milli qanun olmadığı üçün sözügedən tənzimləmə məcburi deyil. Bu səbəbdən polisin ictimai yerlərdə telefondan istifadə edənləri cərimələmək səlahiyyəti olmayacaq. Şəhərin meri Vincent Paul-Petit, qərarın telefon istifadəsini azaltmaq üçün təşviqlər təmin etmək və məlumatlılığı artırmaq məqsədi daşıdığını söyləyib.
Bələdiyyə sədri Paul-Petit verdiyi açıqlamada: “Mən ictimai yerləri smartfonların işğalından qorumaq istəyirəm. Buraya bütün telefonların qadağan edilməsi daxil deyil.”Bu, insanların sosial həyatı qorumaq üçün sosial mediaya baxmaq, oyun oynamaq və ya video izləmək üçün ictimai yerlərdə smartfonlarını çıxarmaqdan çəkinmələrini təmin etməkdir” deyib.
İnsanların gözlərini ekrandan çəkə bilmədiklərini və bunun aludəçilik halına gəldiyini bildirən bələdiyyə sədri “Küçədə gedən gənclərin demək olar ki, hamısının əlində telefon var. Başa düşürəm ki, “qadağan” sözü bəzi insanları narahat edir. “Lakin vacib olan bu məsələ ilə bağlı müzakirəyə başlamaqdır.
Cib telefonlarının və ekran vaxtı məhdudiyyətlərinin gündəmdə olduğu Fransada prezident Emmanuel Makron keçən ay verdiyi açıqlamada uşaqlar üçün ekranlardan ən yaxşı istifadəni təmin etmək üçün elmi mütəxəssislərlə məsləhətləşəcəyini, bu məsələdə məhdudiyyətlərin ola biləcəyinə bildirmişdi.
Şayəstə Hüseynova
Son şərhlər