Bakıda Fövqəladə Hallar Nazirliyinin (FHN) yanğınsöndürən maşını aşıb.
Bu barədə “report”a hadisə şahidi olan şəxslər məlumat verib. Məlumata görə, qəza Səbail rayonunun Salyan sosesi Bibiheybət qəsəbəsindən keçən yolda qeydə alınıb. Qəza zamanı xəsarət alanların olub-olmadığı barədə məlumat yoxdur.
İlkin ehtimala görə, qəza havanın dumanlı olması səbəbindən baş verib. Sərt döngədə idarəetməni itirən sürücü maşını aşırıb. Qəzaya düşən yanğınsöndürən maşın gecə Qaradağ rayonu Lökbatan qəsəbəsində baş verən yanğın hadisəsinin söndürülməsi işinə cəlb olunub. Hadisənin də, məhz həmin yanğının qarşısı alınandan sonra avtomobil yanğınsöndürmə hissəsinə qayıdan zaman baş veridiyi bildirilir.
FHN-in mətbuat xidmətindən isə qəza ilə bağlı onlarda hər hansı bir məlumatın olmadığını bildiriblər.
Son şərhlər