“Millət vəkili Fazil Mustafaya edilmiş sui-qəsd regionun stabilliyinə qarşı törədilmiş terror aktıdır”.
Bu fikirləri Elchi.az–a açıqlamasında BAXCP sədrinin müşaviri, politoloq Azər Qasımov söyləyib.
Onun sözlərinə görə, baş verənlər Azərbaycanın stabilliyinə zərbə vurmaq, qeyri-stabillik görüntüsü yaratmaq üçün məqsədli şəkildə həyata keçirilən məkrli plandır.
“Bununla verilmək istənilən mesaj odur ki, biz, istədiyimiz vaxt sizin stabilliyinizi poza bilərik. Azərbaycan dövləti müstəqillik dövründə 30 ildən sonra İsraildə səfirlik açır. Azərbaycan Xarici işlər naziri Ceyhun Bayramov dünən İsrailə gedib. İran rejimi bundan narahatdır. Terror aktının arxasında da fars rejimi var. Ən əsası ona görə ki, regionda molla rejimindən başqa terroru dövlət siyasətinə çevirən iki dövlət varsa, biri İran rejimidir.
Xoşbəxtlikdən Fazil bəyə ciddi xətər yetirməyiblər. Ona tezliklə sağlamlığına qovuşmasını arzu edir, keçmiş olsun deyirik”.
Yeganə
Son şərhlər