“İftar etdiyiniz zaman ən yaxşısı yeməyə bir stəkan su və bir kasa şorba ilə başlamaqdır. Sulu yumşaq qidalar oruc tutduqdan sonra maye ehtiyacını ödəyir və mədəni rahatlaşdırır”-bu sözləri Elchi.az-a açıqlamasında Dietoloq Ceyhunə Yusifova deyib.
O, eyni zamanda yeməkdən sonra bir neçə dəqiqə ara verəndə aclıq və yorğunluq hissinin azaltdığını vurğulayıb:”Sonra hər şeyi tez və böyük miqdarda yemək istəyini boğmaq asan olacaq. Şorbadan sonra qaynadılmış, buxarda bişirilmiş və ya ızgara ətlə (qırmızı ət, ağ ət və ya balıq) yanaşı zeytun yağı və ya qaynadılmış tərəvəz ilə ət və ya tərəvəz yeməyi yeyilə bilər. Çörək çox olmamaq şərti ilə həm doyurucu, həm də asan həzm olunur. Makaron, düyü və xəmirləri qəbul etməmək məsləhətdir. Mövsüm salatları, qatıq, ayran iftar süfrələrini çox sağlam tamamlayır. Yeməyi yavaş-yavaş yemək və yaxşı çeynəmək, toxluq hissini asanlaşdırmaqla yanaşı, sonradan mədədə toxluq, ağrı və şişkinlik problemlərinin də qarşısını alır”.
Bəs kimlər oruc tuta bilməz sualına isə o, belə cavab verib:” Müalicəsi çətin olan və ya ağır xəstəlik səbəbindən əməliyyat olunmuş və qidalanmalı olan xəstəliklər, xərçəng xəstələri və ağır əməliyyat keçirmiş xəstələr bu qrupa daxil edilə bilər.
– Şiddətli ürək, böyrək, qaraciyər xəstəlikləri olan və – davamlı dərman tələb edən ağır diabetli insanlar, kəskin ağrılı xəstəliklərə görə dərman qəbul etməli olanlar, xora xəstəliyi və digər ağrılı xəstəlikləri olanlar və s.
Mövcud bir xəstəliyin ağırlaşa biləcəyindən və ya oruc tutmaq səbəbindən sağlamlıqlarının pisləşəcəyindən narahat olan xəstəlikləri (məsələn, vərəm və digər
qızdırma xəstəlikləri) olan adamlar da oruc tuta bilməzlər”.
Havar Şəfiyeva